5 décembre , 2021

Irifiyen di Facebook, ttfekkren-dd ticli n 20 yulyuz 2017

Ass-a (20 yulyuz), teɛda tlata n yissgg°usa x tecli i ɣer ilaɣa Naser Zzefzafi qbel ma ad yettwaṭṭef, ticli n 20 yulyuz, i ttuɣa ggin yimeɣnas n Lḥirak maḥend a zzag-s ssemɣaren zeg wektay n Wenwal.

Di facebook, Irifiyen ttarin, ttzemmamen tungimt-nnsen, mayen ẓrin d mayen x-asen yekkin di tecli-ya tanita.
Ijjen zeg yinni icerken di tecli-ya, iɛawed x mamec i dd-yusa zi Nnaḍur ɣer Biyya d mayen yeẓra deg webrid. Ijjen nniḍen, ibḍa ca n yibidyuten d ttsawar ttuɣa aqqa-ten ɣer-s x Facebook.

Ticli-ya tanita i di cerken luluf n yewdan i dd-yusin zi manis mma. Usin-dd maḥend ad bedden aked lḥirak n Arrif, d maḥend ad snufslen inecraf n Arrif.

Amaynu

Yeqqen ɣer-s