Le Rifain
Walli bu am inekraf i dd-yeffɣen zi lḥebs n Ṭanja, i nettaf lqan-ten yewdan ɣer tewwurt n lḥebs, sellmen x-asen umi i dd-ffɣen. Inekraf i dd-yennufeslen zi lḥebs n Selwan di Nnaḍur, ijjen lḥajet nniḍen. Serwlen-ten zi daxxel n lḥebs, awarn-i umi i ten-ggin di ṭṭaksi, nnan-as wer ttbedda ula ɣer yijj, ɛla ḥsab min dd-yusin deg yijjen tzemmemt n B. Lḥemmuti, i yellan d ijjen umeɣnas di tyemmunt n tlelli n inekraf n Arif d Jrada di lḥebs n Serwan.
Lḥemmuti yenna belli manaya wer yelli d amezwar, ttuɣa yettwagg qbel aked inekraf n lḥirak n Jrada qbel. mamek yenna ɛawed belli wer msiwiḍen ca aked lwacun n inekraf i umi ɣa ḍelqen, Mamek temsar yessagg°ad-iten ula mala nruḥ a nelqa inekraf-nneɣ? ittseqsa Lḥemmuti.
