Le Rifain
Kter zi tnayen n wussan, d lɣuɣet tekker di temdint n Tiṭṭawin di Tunes. Deg wemkan i umi qqaren Lkamur i yettwassnen s upiṭrul. Imezdaɣ bedden x yiḍaren-nsen, sɣuyyun x tseqqar-nsen, rezzun lxedmet, amen sɣuyyun x uhemmec i yettwaggen i Tiṭṭawin.
Ɛlaḥsab min tenna France 24, imezdaɣ wtin tiqeyḍunin, blukan ikumiyya n upiṭrul wer ttenhezzin, maca ipulisen wer ɣer-sen qerrben dinni.
Arayes n Tunes, yenna belli min ittemsaren wer yelli bu meɛqul, yenna belli imezdaɣ ɣer-sen lḥeqq ad sɣuyyen, maca ittxessa-ten ad weqqren lqanun. Amen yenna belli netta yexs ad yesnewju inni i yesɣuyyun ḥuma a kid-sen yerẓem amsawal.
