Ijaḍarmiyen n Miḍar ṭṭfen ass n ttlata 15 Cutenbar ijjen ucifur n ṭṭaksi. Iɛedd x ijjen uḥenjir d amezzyan. Aterras-a wanita weyyen-t ɣer lmeḥkama zi senni lux aqqa-t di leḥbes n Selwan. Abidufili-ya i yellan d mmis n Qasita. Di lɛumur-nnes ca n 35 iseggusa. Yeymar-d aḥenjir-a (bu 11 iseggusa) uca iḍeyyeɛ-it di ṭṭaksi-nnes.
Alaḥsab lexbuart i din, aḥenjir-nni iqqim isseɣd wer tt-yenni ca i lwalidin-nnes. Maca ɣer umeggaru inna-as-tt i yemma-s. Iɛawed-as mayen das-yemsaren di ṭṭaksi-nni. Zi senni weyyen-t ɣer ijjen uḍbib yegga-as ijjen tist. X-as diklaran zzag-s ɣer ijaḍarmiyen n Miḍar. Imeggura-ya deɣya deɣya ssersen x-as fus.
