Aṭṭas n ifaysbukiyen i d-ihwan x Hicam Lfaqih. Aselmad deg ijjen temzyida n tɣuri di Tzemmurin. Hekku-ya x-as d-ggin yus-d zegga ig ifsar ila ixes ad ittrecceḥ i lintixabat s yisem n PAM. Manaya awarni umi ifsar ca n ifuṭuten-nnes aked imeḥḍaren, d netta ibḍa x-asen alkul d ḥalawit. Abarru n iselmaden wer dasen-iɛjib bu lḥal x ufuṭu n Hicam Lfaqih. Qqaren belli netta wer ɣer-s bu lḥeqq ad isewwar imeḥḍaren-nnes, ad ten-ifsar x Facebook.
Asit n Achkayen la d netta issiwel-d x manaya. Iwwi-d array n ca n iselmaden umi wer iɛjib bu lḥal x uxelleṭ n uselmed aked pulitik. Ssḥimi, ijjen d aselmad, yenna deg wawal-nnes : « bac ad tilid aked ca n lḥizeb uca ad tenyed x weɛrur n temzyida n tɣuri d imeḥḍaren maḥend ad tegged lintixabat. Netta lxedmet n uselmad qa d aselmed maci d lxedmet n tmesmunin» . Yerni yenna ɛawed : « maḥend ad tilid ɛawed aked ca n lḥizeb, uca ad tenyed x weɛrur n wadaf n tɣuri, ad tsarrfed x imeḥḍaren zi ttmenyat-nnec, manaya qqaren-as lḥemla n lintixabat ».
Amek yettwassen, Hicam Lfaqih, ittwassnen s « Hitam a Hitam ». Tuɣa yezwar-as ujellid iwwec-as ijjen lwisam zeɛma alaḥsab timegga-nnes.
