Ca n iḥudriyen d tarwa n Temsaman, ggin ijjen tfust n usizdeg n playa-nnsen deg Ayt Teɛban. Ɛebdellah Ajɛun ijjen zeg iḥudriyen i yeggin fus-nnes la d netta di lxedmet-a yegg-d x Facebook: « Wenni ixsen ad ibeddel agdud amen ikmel ixess-as ad yebda zeg ixef-nnes d amezwaru » yerni yenna: « Tazdugi n playat-nneɣ d tmasayt-nneɣ x merra, gg tizemmar-nnec cek qbel ma ad tezmmed inniḍen« . Ajɛun yegg-d ca n ifututen x facebook, icrec dag-sen min d-iyerwen d afraḍ n plastik ittmenḍaren aṭṭas x iftasen-nneɣ n Arrif.
Lxedmet-a i yeggin iḥudriyen n Temsaman wtin-as aṭṭas n yiwdan deg uru, ssitmen ad tili merra di Arrif.
