LeRifain
Deg westexṭeb-nnes i yegga aɛecci n ttlata, arrayes n Fransa Emmanuel Macron, yekkes ltam x ca n tsurifin i di ɣa yessefses cwayt aḥjab i yettwaggen bac ad yettwaqarmar ubirus n kuruna.
Manaya ad yili x tlata n twalatin, ad yebda s werẓam n tḥuna ass n ssebt 28 nuwanbir. Amen yenna Emmanuel Macron belli bakuna wer tettili ca s bezzez. Yenna belli netta ittwala umarebbama ad tkumasa bakuna aked uneggaru n dujanbir, niɣ aked umezwaru n yennayer.
Emmanuel Macron yenna belli aḥjab ad ibedd s kulci ass n 15 zi dujanbir, maca ad dewlen ad sbedden asirkula zi 21:00 n tmeddit al sebɛa n ssbeḥ.
