Ca n Iḥudriyyen zi Nnadur xsen ad adfen lbaladiyya n Nnaḍur.

Yerẓem Mohamed El Montaser tawwurt i wemsawal amezwar jer iḥudriyen n Nnaḍur. Ḥima ra d nitnin ad reccḥen di lintixab i dd ɣa yasen n lbaladiyya n Nnaḍur.

Tabrat i yegga Simohamed i yefsar s Whatsapp d Facebook, yegru dag‑s ifirmaren n tarwa n Nnaḍur inni n daxel d yenni n barra. Yegga‑tt d alaɣi i marra wi ittasmen x temdint n Nnaḍur, ad ssiɣen fus-nsen di lintixab i dd‑yegguren, i ca n iḥudryyen ɣer‑sen tizemmer d timessna deg usugur.

Tasentayt‑ya yegga, yenna xaf‑s, belli wer yeqqin la ɣa ijjen n tidyulujit, niɣ n leḥsabat n pulitik. Iswi‑nnes, ad yuc fus i wudmawen d jjdid, ad beddlen udmawen-nni izehmen, yeṭṭfen lbaladiya n Nnaḍur rexxu iseggusa, mellen‑ten tarwa n temdint.

3000 n Ifirmaren yuca-asen lmijal n uyur, maca di deg ijjen wass d llilt, iwḍen 1000. Awarn‑as ad reẓmen tawwurt i wi yexsen ad yarecceḥ, ad ixḍaren marra iḥudriyyen icarken di tsentayt‑a, ijjen uprugram a xaf‑s xedmen.

Simohamed netta d ca n iḥudriyyen akid‑s, zeg udmawen ittwassnen di temdint n Nnaḍur, deg iyyar n Twiza, ineɣmisen, d min yeqqnen ɣa marra mani tella tcuni n temdint.

Alaɣi‑ya, yettwag s waṭṭas n Tutlayin, ḥima ad ssiɣen fus marra tarwa n temdint mani llan deg umaḍal.

https://www.facebook.com/elmontasersimohamed/posts/2299046536908030
Majid Aqelɛi
Majid Aqelɛi
Majid, Izran, Tudart tazgzawt, d Tussna...

Amaynu

Yeqqen ɣer-s

Takuppat n umaḍal 2022: Umi acrak n tseḍma n Lmuɣrib imseḥ Imaziɣen.

Yura-t: A. Bodetti Asmezzeɣ zi www.middleeasteye.net/ Mala “amaḍal Aɛrab” imun ɣer deffer i Lmuɣrib deg wecrak-nnes di tkuppat n umaḍal, ca n Imeɣrabiyen...

Spanya tettagi ad tenɛem s min tegga d ɣezzu di Arrif.

Ila ca n tebratin i yettunuḍen, qqarent ila Spanya txes ad tenɛem s min tegga di Arrif, uca ad tewwec 100 melyun yuru...

Dzayer – ddewla teḥkem s ɛecra n iseggusa teqqen x ukarikaturist Aqbayli Ɛinuc

Tasenbḍayt n Bgayet teḥkem-dd s ijjen leḥkam maḥend ad tḥebbes akarikaturist Aqbayli Γilas Ɛinuc. Tewca-as ttuhmet n « useɣḍel zeg uselway n tegduda d ubersigg°ed ». Ijjen...

Lmexzen Uliman yeṭṭef ijj n ucekkam n Lmeɣrib!

Karlsruhe (DPA): Lidara n ḥeṭṭu n tmurt talimant teṭṭef di letnayen yeɛdun (14 nuwenbir) ijjen Umeɣrabi di temdint n kulen, tcekk deg-s belli ttuɣa...