Tenna tamawast n seḥḥet di Lmuɣrib belli simana i yeɛdan ittwazemmem dag-s ca n 275 n yiwdan ig immuten s Kuruna. Terni twekked, belli di simana-ya tanita i di immuten aṭṭas n yiwdan zeg wami tebda tudef-d Kuruna ɣer Lmuɣrib.
Mamec wwḍen imeḥlak n Kuruna di Yumayen ɣer ca n 3500 n waddad deg wass. Di ca n yumayen mseḍfaren. Manaya ɛemmers ma ttuɣa yewweḍ ɣer-s Lmuɣrib qbel. Mamec i d-tura tamawast n seḥhet ila Lmuɣrib izemmem 153 alef n yiwdan i telqef Kuruna. Itsemma i ca n 400 n yiwdan i mkul 100 alef n imezdaɣ. Maca ittakk°aḍ inni iggenfan ɣer 84%.
Lmuɣrib ittawi-d wis tnayen di Tefrikt alaḥsab ttistat ig ittegg i Kuruna. Mamec i d-iwwi wis 30 deg umaḍal deg waddaden ig izemmem di Kuruna d wis tnayen di Tefrikt. D wis 36 deg umaḍal deg inni ig immuten.
