Zegga ttyarita Musṭafa Buziyyani, aneɣmas di Arradyu n Tmaziɣt di Arbaṭ, issreɣ tifawin deg useddi-nnes « a yizri xayellah » x ca n tqessisin i yura Ḥakim Lwesṭani.
Tiqessisin i dd-issufeɣ Lwesṭani, deg usegg°as n 2014, deg ijjen wamud qqaren-as « anecruf ». Mani x-as tbedd tmesmunt n Tawmat i tussna d tyumi deg Wezlaf deg ufuɣ-nnes.
Ḥakim zeg izlawiyen n Arrif i yeggin amkan-nnsen jar izlawiyen n Arrif. Ass-a ittedder di Spaniya zegga teḥser tudert di Arrif.
