Ɛebdessamad Zaryuḥi:
Audio 1:50Toby i das qqaren i bu accaw acemlal i iwsaren aṭṭas qaɛɛ didduniyt, yemmut x 54 n issegusa deg ij n uparki n imuddar deg Uṭalyan. Amudder-a yemmut umi das ibedd wul. Manaya tennat tamessiwelt s yisem n uparki ‘Parco Natura Viva’ di temdint Bussolengo, i yudsen tamdint Verona. Aklasi‑ya n bu-accawen icemlalen i ittɛicen deg useḥjab, teddren nurmal 40 issegusa, yenni ittɛiccen di lexla teddren 30 issegusa waha.
Nono Toby immut 6 ktuber 2021 deg uparki n imudder. Yewḍa umi ila iggur ɣer lkuri mani iteṭṭes. Azgen n tseɛɛet awarni umi yewḍa i s-ibedd wul, i tenna Elisia Livia i yellan d tamessiwelt s yisem n uparki-ya.
Chi meglio del nostro Toby poteva rappresentare la nostra più assonnata faccia del lunedì post settimana di #Pasqua?! 🤣
— Parco Natura Viva (@ParcoNaturaViva) April 29, 2019
📸 Foto di Giorgio Ottolini pic.twitter.com/Ox2A7fbTau
Amudder-a iggur ad inqaḍa
Bu-accawa-a i immuten a t‑sḥenden d amezwar, uca a t‑sseknen di lmetḥef n tussna ‘MuSe’ di temdint Trento i yellan di sennej n Uṭalyan.
« Dini i ɣa imɛacar aked weyrad acemlal i dd‑yusin zeg parki d ijjen, i yemmuten 5 n issegussa zeg wami », i tenna Pennacchioni.
Deg 2021 i temmut Sugar tamɣart n Toby. Rux umi iruḥ ra d Toby, iqim-asen ij n bu-accaw acemlal waha deg uparki-ya, ɣer-s 39 n issegusa ggin-as isem Benno.
Bu-accaw acemlal itwaḥsab zeg immudar igguren ad nqaḍan. Rux tnayen i ittɛicen zeg-sen di lexla waha. Qqaren-asen Najin d Fatu, s tnayen d tiwetmin, teddrent di Kinya, aqqa-tent lebda saddu ḥeṭṭu n iɛessasen ḥuma wer tent‑yemmaren yewdan. Lebɛad n lechurat zeg wami ca n imussnawen senfaren timbriyutin n ummudar-a ḥuma a t‑ɣaten, ḥuma wer ittěnqaḍa ca.
Tala: hln
