Ap.Photo/ MArio Lobao
Le Rifain
Teɛdu 100 alef n yiwdan i umi yeffeɣ buḥbel s kuruna di tmurt n Brazil, i yellan wiss tnayen awarni i Umarikan, i di yusus ubirus n Covid-19.
Yenɣa ubirus-a kter zi 720 alef n yewdan di dduneyt, yelqef kter zi 19 n imelyunen n yewdan zeg uyur n dujanbir i yeɛdun.
Di ssimanet tameggarut, deg Umarikan alatan, lmiqdar n yijjen zi kul tnayen n yewdan deg umaḍal i yemmuten. Yedwel Umarikan alatan, d netta i di yusus lebla n kuruna kter. Teɛdu 216 alef n yewdan i deg-s yemmuten.
Al ass-a n ssebt, tedwel tmurt n Brazil wiss tnayen i di mmuten kter zi 100 alef n yewdan s kuruna, awarn i Umarikan.
Brazil, d nettat i yellan d tamurt temɣar qeɛ deg Umarikan Alatan, deg-s kter zi 212 n imelyunen n imezdaɣ.
Imussnawen ttwalan belli nnumru-ya wer yelli d tidet. Yezmer ad yili nnumru n yinni i yelqef kuruna yujar min dd-ttqanṭaren s setta n tseqqar.
Amen nnan belli abirus yusus deg imukan i xef yessdel ẓẓelḍ di Brazil, yelqef aṭṭas n yinni i ɣer yella ilem d aberkan.
Tamesmunt n « Rio de Paz » teḍleq i walef n igecculen d izegg°aɣen, ass-a n ssebt, di playa n « Copacabana »di temdint n Rio de Janeiro, manaya am yijjen usemɣer zeg yiman n yinni i yenɣa ubirus n kuruna.
tala: euronews
