Yenna umawas n ṣeḥḥet di Arrusiya « Mixayil Muracku » ass n larbeɛ i yeɛdan (12/08) belli baquna i dd-tsaqar tammurt-nnes tiwweḍ ad tqerr mliḥ. Mamec qa bdan ssufuɣen-dd baquna-nnes di min dd-yudsen ḥuma ad sgenfan imehlak n Kuruna.
Mamec yenna Muracku belli asexdem n baquna-ya yeggur ad yili di tnayen n simanat i dd-igguren. Ad xedmen d amezwaru x ssuq n daxel Tarusiyt.
Iydar-dd umawas belli qa din ca n umharwaḍ jar tammurt-nnes d iceriken-nnes ḥuma ad bdan ad dd-ssufuɣen baquna-ya di tmurt-nnsen.
Tuɣa yezwar-as i uselway n Arrusya Fladimir Putin, ifsar-dd belli tammurt-nnes tiwweḍ ad taf baquna tamezwarut deg umaḍal i Kuruna, yenna: « Aqqa d ijjen usitem d amaynu ḥuma ad nessenjem midden«
Ccarika i dd-issufɣen Baquna-ya tegga-as isem « Spuntik V » alaḥsab ssarux amezwaru i tessek Arrusiya ɣer ujenna assegg°as n 1957.
