Deg ijjen ubilaj di jjihet n Villamalea, i d-yusin deg yeffus usammer n Spanya. 50 alef yeṭru n binu iḍeyyeɛ umi tennuqqeb ijjen lbuṭiyyet d tameqqrant n binu. Alaḥsab mayen inna arradyu n Abacete, ixeddamen wer ufin mayen ɣa ggen zzat i unuqqib-nni di lbuṭiyyet. Qqimen tteɣẓaẓen ancucen x txessart i ten-yuɣin. Jebden-dd tilifunat-nnsen uca sewwren maanyenni amenni. Di tidet urid d twarat tamezwarut i di yemsar manaya, di Yennayer i yeɛdan, ca n 370.000 yeṭru n binu iḍeyyeɛ deg ubilaj n Sonoma, jjihet n Kalifurniya. Ijjen twalat nniḍen ɛawed amenni ig imsar ula deg Iṭaliya.
