25 septembre , 2021

« Anaruz n tudert » d adlis ismunen tiqessisin d twiza aked imehlak n uxenzir

D ij n lxedmet i ttuɣa i dd-immersen x facebook aṭṭas zi mani, axarres-a iḍelq-it-id Jamal Lɣazi, azlawi d unaẓur i yettɛicen di tmurt n Uliman. Axarres-a deɣya munen-dd x-as aṭṭas n izlawiyen d tezlawiyin di Arrif i yewwḍen ɣer kṭer zi settin idsen(t).

Adlis-a yefsar-it-id wammas n trezzutin d tezrawin di Arrif, iseggem-as tira Jawad Zzubeɛ d Muḥemmed Afqir ; Muḥemmed Rracidi d netta i dd-ixedmen x weɣlaf n udlis d weḍbaɛ ittwagg di teẓrigt n Ccix Ḥasan deg Wejda.

Adlis-a yus-dd ḥma ad ibedd aked yenni ihelken s uxenzir, deg yiger-a iqqar Jamal Lɣazi bab n uxarres « Wenn ihelken s uxenzir di Arrif niɣ d Lmuɣrib amen yekmel wer turi ca x tenyart-nnes ila qa netta aqqa-t aked tedyulujit-nnec maḥend ad kid-s tbedded […] S uya i dd-elqeɣ aṭṭas n iseggusa zi mani, axarres n yidles ig ixeddmen tawedanit, minzi wer nzemmer a neba jar midden ».

Amaynu

Yeqqen ɣer-s