29 novembre , 2021

Amseksi x Cicnaq yewweḍ ar Libiya awerni Maser d Ledzayer

Getty Images

Zegga temmers ijjen tefrist (statue) di Tizi Wezzu. Ussan-a imeggura n ujellid Amaziɣ Cicnaq. Umi i d-yusa Useggas amaynu 2971 n Imaziɣen. Ikker ijjen umenɣi jar Imasriyen d Idzayriyen x Twiter. Imezwura qqaren i imeggura belli ukren agla d umezruy n Maser rezzun ad t-rren d Adzayri s bezzez.

Manaya wer lli ibedd ɣer manaya, maca tudef-d ula d Lbiya x umenɣi. Deg ijjen usiweḍ tegg-it-id, tenna g-s ila Cicnaq netta d ajellid d Alibi, zi teqbilt n Imicwacen, d Maziɣ ig illa. Asiweḍ n Tenbaḍt Talibit yenna belli ajellid-a « iḥkem Maser ittwasemma s lwacun wis 22, imerzuten deg umezruy Amisri aqdim ttsemman-as leḥkam n lwacun Talibit ».

Ledzayer kunṭra i Maser

Tḥajit-a n umenɣi, zegga Ledzayer tegga ijjn tefrist n Cicnaq di Tizi Wezzu. Manaya isnekker timessi deg Imasriyen, ttwalan manaya d tukkerḍa i tegga Ledyazer i wagla n tmurt-nnsen. Xenni ḍelqen ijjen hactag ggin-as #Cicnaq_d_Amisri. Idzayriyen rrin-d x manaya nnan: Cicnag netta d ijjen ujellid d Maziɣ. Ledzayer azgen ameqqran n imezdaɣ i dag-s d Imaziɣen. Ssemɣaran s ijj ujellid d Maziɣ.

Amaynu

Yeqqen ɣer-s