29 novembre , 2021

Afekkar deg wektay wiss 99 n umenɣi n Wenwal.

Am wass-a, 21 yulyuz, i di yemsar umenɣi ameqqran irecmen tungimt n Irifiyen. Anwal i yettwassnen deg umaḍal bla ma ad idwel d ijjen wass n tnurẓemt di Lmuɣrib.

Aṭṭas n Irifiyen di Facebook, carrcen-dd ividyuten, ttṣawar, niɣ ttari-dd iḍrisen issawalen x umenɣi-ya.

Deg issgusa i yeɛdun tuɣa nnumen iḥudriyen n umussu Amaziɣ ttraḥen ɣer uraq n Wenwal ḥma ad d-fekkren s tmegga n lejdud. Maca ttafen zzat-sen lemxazniya sszrẓigen x-asen ficta-nni. Abarru n Irifiyen ttagin x mamec issemɣara Lmexzen s Wenwal. Qqaren ila Anwal istahell kter zi mayen ittegg Lmexzen deg wektay-nnes.

Zeg ijjen uɣezdis nneɣni, zi lux ssujaden Irifiyen i wektay wiss 100 deg usegg°as i dd-ittasen, aya ɛad ad ɣer-s nedwel s waṭṭas n wefsay.

Amaynu

Yeqqen ɣer-s