22 n iseggusa d wezgen i wenni yenɣin George Floyd

LeRifain

Chauvin Apulis‑nni yenɣin George Floyd ad yesseɛdu 22.5 n iseggusa n leḥbes. D wa d leḥkam i zi tenṭeq lfusina n Minneapolis. Abuɣaw n lwacun n Floyd yezgenfa, waxxa ttuɣa itetter 45 n iseggusa n leḥbes.

Abuɣaw n Lwacun n Floyd, yettwala belli leḥkam‑a ad yadef amezruy. Lwacun‑nnes nnan belli leḥkam‑a ad yessades Amarikan usurif kṭer ɣer ugenfu »

Floyd Yettwaneɣ di 25 Mayyu 2020.

George Floyd (46) yemmut‑asen i ipulisen deg ifassen aseggʷas yeɛdan. Ij n ubidyu yeksi‑dd mamek i t‑ṭṭfen ipulisen, ɣeḍlen‑tt ɣer tmurt.

Chauvin yessers‑as afuḍ x yuli 9 n tminutin kemlent. Al mani yedwel wer izemmer ad yerr‑nnefs. Floyd yesxef, uca yemmut. Ṭṭfen‑t ass nni, minzi cekken deg‑s belli ixelles s 20 dollar mẓewwar.

Mindi ila tfekkred??.

Di Lfusina, Yessiwel umas n Floyd, yetter lɛuquba temɣer i Chauvin, yenneqreb ɣer‑s yenna‑s: Mayemmi? min ɣer‑k ttuɣa di leɛqel lami das‑tessersed aḍar i uma x yili? »

Arrays n US Joe Biden yettwala leḥkam nni d deg umkan‑nnes. Beiden yenna: « wer ssineɣ ca marra min yemsern di lfusina, maca yettbana‑yi‑dd leḥkam‑nni deg umkan‑nnes. »

Black lives matter.

Zegga yettwaneɣ yekker uɣuwweɣ yemɣer deg Umarikan d umaḍal amen yekmel. Imeɣnas n tseqqar n yewdan, qqaren belli Floyd yettwaneɣ minzi d aberkan, Hashtag #Blacklivesmatter yekka dduniyt amen tekmel. Tamenɣiwt n Floyd ttuɣa‑tt d ij n teftilt treɣ maḥend ad tessekmed lferẓ, d useḥqar n arrasist i ibarkanen, niɣ i yewdan marra.

Ɣer ɛawd: Tekker lɣuɣet deg Umarikan zegga i utin ipulisen ijjen wergaz d aberkan

Majid Aqelɛi
Majid Aqelɛi
Majid, Izran, Tudart tazgzawt, d Tussna...

Amaynu

Yeqqen ɣer-s

Takuppat n umaḍal 2022: Umi acrak n tseḍma n Lmuɣrib imseḥ Imaziɣen.

Yura-t: A. Bodetti Asmezzeɣ zi www.middleeasteye.net/ Mala “amaḍal Aɛrab” imun ɣer deffer i Lmuɣrib deg wecrak-nnes di tkuppat n umaḍal, ca n Imeɣrabiyen...

Spanya tettagi ad tenɛem s min tegga d ɣezzu di Arrif.

Ila ca n tebratin i yettunuḍen, qqarent ila Spanya txes ad tenɛem s min tegga di Arrif, uca ad tewwec 100 melyun yuru...

Dzayer – ddewla teḥkem s ɛecra n iseggusa teqqen x ukarikaturist Aqbayli Ɛinuc

Tasenbḍayt n Bgayet teḥkem-dd s ijjen leḥkam maḥend ad tḥebbes akarikaturist Aqbayli Γilas Ɛinuc. Tewca-as ttuhmet n « useɣḍel zeg uselway n tegduda d ubersigg°ed ». Ijjen...

Lmexzen Uliman yeṭṭef ijj n ucekkam n Lmeɣrib!

Karlsruhe (DPA): Lidara n ḥeṭṭu n tmurt talimant teṭṭef di letnayen yeɛdun (14 nuwenbir) ijjen Umeɣrabi di temdint n kulen, tcekk deg-s belli ttuɣa...