100 melyun n yewdan di trewliwin!

Di ddunyt amen tekmel, 100 melyun n yewdan trakkʷalen, ca zeg wemquṭṭes, ca zi laẓ. Anict uya i xef tessawal UN. Akumissar n UN Grandi, yettwala belli Twiza tewḍa.

Amquṭṭes, aɛmud, zzɛaf d ubeddel n uklima ittejja iwdan trakkʷalen zi tmura-nsen, zeg uneggar n 2020 ar yunyu 2021 mmernin imenneɛraq zi 82,4 ar 84melyun.

100 Melyun negga-tt aseggʷas-a!

Aneggar n 2021 ttuɣa yiweḍ 89,3 Melyun n yewdan i rewlen zi tmura-nsen, zeg wami tebda trewla zeg Ukranya.

Azgen n yewdan-a di trewliwin 53,2 Melyun qa-yen ɛad wer ufin mani ɣa sterḥmen. Aqqa-yen di trewla di tmura-nsen, Manya ɛlaḥsab UNHCR, yemmerni s wemquṭṭes d lhemm yellan di tmura-nni. ameknaw di Myanmar, d Tigray n Yityupya, manis ffɣen lemlayen n yedwan rewlen ɣer tneddam-nniḍen.

Mani ttraḥen?

83% ksin-tent ca n tmura wer ksint la d agdud-nsent, zi tmura i di yella ẓẓleḍ, Arrbeɛ yiweḍ timura i di tella tudert mliḥ. Tturk i yeksin aṭṭas qaɛ n imenneɛraq (3,8 melyun) teḍfer-it-dd Uganda (1,5 melyun), Pakistan (1,5 melyun) d Uliman (1,3 Melyun) (Yunyu 2022).

Manis dd-tettrakkʷal 69% zeg-sen (qbel i girra n Ukranya) zi: Surya, Vinizwilla, Afɣanistan, wadday n Ssudan d Myanmar.

Tala unhcr.org

Amaynu

Yeqqen ɣer-s

Takuppat n umaḍal 2022: Umi acrak n tseḍma n Lmuɣrib imseḥ Imaziɣen.

Yura-t: A. Bodetti Asmezzeɣ zi www.middleeasteye.net/ Mala “amaḍal Aɛrab” imun ɣer deffer i Lmuɣrib deg wecrak-nnes di tkuppat n umaḍal, ca n Imeɣrabiyen...

Spanya tettagi ad tenɛem s min tegga d ɣezzu di Arrif.

Ila ca n tebratin i yettunuḍen, qqarent ila Spanya txes ad tenɛem s min tegga di Arrif, uca ad tewwec 100 melyun yuru...

Dzayer – ddewla teḥkem s ɛecra n iseggusa teqqen x ukarikaturist Aqbayli Ɛinuc

Tasenbḍayt n Bgayet teḥkem-dd s ijjen leḥkam maḥend ad tḥebbes akarikaturist Aqbayli Γilas Ɛinuc. Tewca-as ttuhmet n « useɣḍel zeg uselway n tegduda d ubersigg°ed ». Ijjen...

Lmexzen Uliman yeṭṭef ijj n ucekkam n Lmeɣrib!

Karlsruhe (DPA): Lidara n ḥeṭṭu n tmurt talimant teṭṭef di letnayen yeɛdun (14 nuwenbir) ijjen Umeɣrabi di temdint n kulen, tcekk deg-s belli ttuɣa...