Mmi‑s n Qeddafi jjin‑t i crek di lintixab n yemɣarn n Libya.

Abdessamad Zeryouḥi

Sayf al-Islam Qaddafi, mmi‑s n Ulibi adiktatiru aqdim Mɛemmar Qaddafi, jjin‑t ad i crek di lintixabat n tamurt-nnes.

Amalas (Simana) yeɛdan ila lmejlis n lintixab yugi a kid-sen i crek minzi aṭṭas n twalatin i x-as teḥkem lfusina deg useggusa yeɛdan. Maca ij n lqadi n lfusina n listinaf ijja‑t ad irecceḥ di linitixab n 22 djembir.

D manaya i nnan iɣemmisen n Libya.

Sayf al Islam i ɣer yella 49 n issegusa trezzu x-as lmaḥkama tamedlant n Den Haag. Ij n umilitir i t‑yedɛan di lɛasima Ṭarablus ittar i lmejlis n linitixab wer t‑ttejjin ca ad i crek di lintixab minzi teḥkem x-as lfusina di 2015, x tmegga tiɛeffanin i yegga di ca n imenɣan. Ad yiri timegga-ya tiɛeffanin yegga-tent deg umenɣi-nni yemsarn umi nɣan baba‑s deg 2011. Maca netta kulci inker-it.

Lmejlis n lintixab ila yugi ad cerken 25 zi 98 n imreccḥen i isejjlen ixef-nsen ḥuma ad dewlen d arrayes n Libya. Amilitir Xalifa Ḥaftar, wa d isem i yettwassnen qaɛ zeg-sen, jjin‑t ad icrek di lintixab-a. Netta irecceḥ di ccerq n Libya mani i ila tella girra deg iseggusa yeɛdan.

Ra d Ḥaftar i ɣer yella 78 n issegusa ttehmen‑t s tmegga tiɛeffanin di girrat yemsaren di Libya. 

Lintixab n ubarlaman di tamurt-a i yettwaggan s uptirul smuttyen‑t ɣer ussegʷas idd‑yegguren.

Tala: hln

Majid Aqelɛi
Majid Aqelɛi
Majid, Izran, Tudart tazgzawt, d Tussna...

Amaynu

Yeqqen ɣer-s

Ma Ad yeqqim Uliman di ṭṭlam di lmecta?

Qaɛɛad amnus n yinirji deg Uliman wer yekkis. Lidara  n ḥeṭṭu n wegdud d twiza di leɣrayeq (BKK) tenna  belli ca n twalatin, di churat idd-yegguren,...

Zzag-sen Messi d Ronaldo.. 10 n imiraren d ta d tameggarut-nnsen deg umundyal.

Lionel Messi d Cristiano Ronaldo d nitni i yeṭṭfen azzreg n tcamma n uḍar i waṭṭas n iseggusa, maca zemmren ad yili d ta...

Merhran Karimi.. Aḍlib Ayrani n Roissy min xef ixdem Spielberg, immut.

Ila ɣer-s 77 n usegg°as, Mehran Karimi Nasseri d netta d aterras i ttuɣa yirar Tom Hanks deg ufilem n « Le terminal » deg usegg°as...

« Min yeswa webrid n lebḥar, a zeg-s ɣreɣ Talimant ḥsen »

Aṭṭas n tsedmiwin di Facebook deg-sent iwdan i rezzun ad raḥen Aliman, ca s lxedmet ca s tɣuri, maca ccurent s imeɣrabiyyen i wer...